1. Inggot pe lutu ganupan sai na sonang do use,
Jesus do sai pasonangkon aha na humutik be.

2. Iluhmu do ibilangi, anggo horu uhurmin;
Lang lopasonNi tarahilang, ho tengerma uhurmin.

3. Tong itangihon Tuhanta hita namartonggo in.
Janah itatap Tuhanta ganup tinobusNi in.

4. Tenger uhurmu bai Jesus, na patorsa langkahmin;
Sai haholongi ma Jesus na pasonang uhurmin.


1. Sai paingat Ham sonari atap na bujur au on
Janah tuduh Ham ganup na hubaen na so talup
Ase sasap ma dosangku janah sonang ma uhurhu

2.Ai buei do parlahouhu seng harosuhMu hape
Ai gok dousa do uhurhu salah do hatangku pe
Ganup tongkin au pandur lang mardingat be bujur
Pasal TitahMu hubangku ibaen banggal ni dousangku

3.Sai holong ma Ham Tuhanku sai palumbang uhurMu
Ai borat tumang uhurhu ibaen dousangkin Bamu
Sai patidak layakMu pakon holong ateiMu
Ase tambah ma ringgasku bai ganupan parentahMu

4.Sai papansing Ham uhurhu ampa sanggah modom au
LayakMu baen Ham sabingku suruh na manjaga au
Ham pamiloh apuy in pa manjaga rumah in
Ulang tangis da hanami patar dob puho hanami

5.Ham ma tong na manundati anggo roh parjahat in
Ulang be pajalangonni akal ni uhurni in
Hubannami anakMu na hinaholonganMu
Ham manampar humbannami na ra mangagou hanami

6.Seng na sinok hape Tuhan ge ibagas borngin in
Jesus Ham do Siparmahan na madear uhur in
Borngin ge arian pe iramoti Ham hape
Tong iankon Ham hanami ase sinok matanami

7.Sai jorgit puhoi hanami bani panorangni in
Manumpahkon horja nami ase saud ganupan in
Anggo sol aloponMu borngin on au, o Tuhan
Hubai tanganMu ma ahu ?ge pamatang ?pa tonduyhu

1. Marmalas uhur, na mangirikkon Jesus Tuhanta,
ai puho Jesus, mulak manggoluh humbai na matei,
ai domma mungkab ijin tanoman.
O, hamateian, ija do nuan sorodmu in?
Puho do Jesus, humbai na matei.
Nagori toruh, ija do hamonanganmu in?
Maluah do Jesus, hun bani gari.

2. Marbois gogoh, do sipangagou manangkut Jesus,
hape tongtong do, seng dong ksani mambahen talu,
ai gogohan do Jesus Tuhanku.
O, hamateian, ija do nuan sorodmu in?
Puho do Jesus, humbai na matei.
Nagori toruh, ija do hamonanganmu in?
Maluah do Jesus, hun bani gari.

3. Usih sonin do, goluh ni na mangirikkon Jesus,
ningon puho do, bani panorang sadokah goluh,
marhamonangan, rap pakon Jesus.
O, hamateian, ija do nuan sorodmu in?
Puho do Jesus, humbai na matei.
Nagori toruh, ija do hamonanganmu in?
Maluah do Jesus, hun bani gari.


1. I surga hasonagan in ianan sidearan
In hujin sol laho misir au ase rap pakon Jesus au

2. Tongon, buei ope na dong manrahut au i tanoh on
Sai rotaponku ma in tong, marayak surga do au on

3. Dao openi au hunjin porini nini uhurhin
Tor ise namakatahon au na sirang humbai Jesus

4. Na parngit, na maniak pe manronti ma ijin hape
I surga seng be dosa le, manronti ma najahat pe

5. Nadong hasohan tanoh on, ai isurga in do na tongtong
Ai tanoh partangisan on, i surga sonang tonduyhon

6. Halani ai, o tonduyhin pindahi na i surga in
Podas ma roh mangalop ho jesusmu, sipagoluh ho

7. Dear do rupueimin ijin, ilambung ni Tuhan in
Hinsah ma tong baen langkahmin, ase sonang bai nagorimin