Jesus do haholonganta, manobus hita humbai dousa,
Marhitei-hitei darohNiin.
Daging ampakon tonduyta, hu Bani ma ondoskon hita
?Se sonang i lambungNi in.
Sai jalo hanaion KuriaMu do on, hu Bamu ma! Ganupan on,
Tumpaki Ham, holong ni ateiMu do in.


1.Riap ma hita haganup, mamuji Naibata
Mesek ma pandodingta rup, ai in do na tama, ai in do na tama.

2. Iungkab Naibatanta in, nagori atas in.
Isuruh do AnakNi in, hagoluhanta in, hagoluhanta in

3. Paratas ni BapaNi do, tinadingkonNi in.
Hu hasiangan Ia roh, ianan marsik in, ianan marsik in.

4. Sitompa sagala na dong, panggomgom haganup.
Roh do Ia hu tanoh on , mandagei haganup, mandagei haganup.

5. Halani in malas tumang, do uhurhon nuan.
Hujolom Jesus in tongon, ai sonang au ibaen, ai sonang au ibaen.

6. Antong ganupan nasiam, pardousa na horu.
Buhai uhurmu rahanan, manjalo Jesusmu, manjalo Jesusmu.

7. Ringgas ma hita haganup, mamuji Naibata.
Gomos ma pandodingta rup, Amen, Haleluya, Amen, Haleluya.


1. Paubah ham uhurmu bapa,
Porsaya sirahanan!
Porsaya bani Jesus
bapa ?se dapot hasonangan!
Banggal do,banggal holongni
Tuhanta bapa, mambere hasonangan.

2. Paubah Ham uhurmu inang,
?se dihut ham maluah!
Porsaya bani Jesus inang
?se dihut ham martuah.
Banggal do, banggal ringis ni
Tuhanta inang,
Bai na so ra marubah.

3. Paubah hita uhurta, ale,
Na sombah ma Tuhanta!
Harga hita itobus, ale,
Sai ulang namin soya.
Abakkon, abakkon na mapansing,
Ale, galangan bai Tuhanta.

4. Hanami haganupan, Tuhan,
Sai boban ma hu surga.
Aha pe lang na suang, Tuhan,
I lambungMu magira.
Holong ma, tongon ma ateimu,
Tuhan, sai togu Ham ganupan.



1. O Jesus na Pagoluh au, Anak ni Naibata.
Holong atei-Mu togu au, ondos bai Naibata.

2. Tongon sonang do uhurhin mardingat layak-Mu;
Ai Ham do hagoluhankin bani parmatei-Mu.

3. Anggo domma manosal au halani dousakin,
iipuk daroh-Mu do au anggo hudingat in.

4. Ibuat Ham do horungkin papuho uhurhon,
na sonang au halani in, bai hasombuhonkon.

5. Hutanom mando uhurhin hubagas uhur-Mu,
sonang ma au halani in, au pinagoluh-Mu.

6. Huhatengerhon hata-Mu, ai na sintong do in;
Hudingat bagah-bagah-Mu na so ubahon in.

7. O Jesus, Ham do huankin, sai gok bamu ma au;
Ai Ham do hagoluhankin age lao matei au.

8. Ihasiholi uhurhin au sol ianan-Mu;
Ai pe urasi tonduyhin, papansing Ham ma au.