Home

Details

Hits: 1569

1. Pohu ho o tonduyhin, puho lao martonggo
Ase ulang munsuhmin, roh na so binotoh.
Akal ni setan in do manipu jolma, paruhur na bonar

2. Puho ho na modom in, na ibagas dousa;
Ase ulang halaniin ho marutang hosah;
Air sompong, tor julong, roh ma parlajouan bai na so marjaga

3. Puho, ai na so tarbaen tonduy ni Jahowa
Manorangi ho, mambaen sirang humbani dousa?
Ningon do puho ho, ase bereonNi dear ni layakNi

4. Puho, jaga uhurmin, ulang ikahouhon
Hisap ni uhurmu in, janah italuhon;
Gijang ni uhur ni gatian marhala pangalopan salah

5. Sai martonggo ho gogoh, ase sau maluah.
Humbai dousa haganup, ase ho martuah;
Jesus do na gogoh, na boi manaluhon haganup pangagou

6. Halaniin sai dilo ma Goran ni Tuhanta
Na binaen ni Naibata parsigantunganta
Teleng do dompak ho pinggol ni Jesusmu saud na pinindomu

7. Halaniin, totap ma da sai martonggo hita
Bai Bapanta Naibata I nagori atas
Lambin do sai dohor parroh ni Tuhanta manguhumi jolma

Details

Hits: 1569

1. Lang bulih ham mardalan sahalak Ham tongon
Sai dilo ma Tuhanta hasomanmu tongtong
Tor boi ma ham hu surga, bai pardousaonmin?
Sai jolom Tuhan Jesus si porsan dousamin

2. Lang bulih Ham holsohan bai sitarononmin
Bai Tuhanmin ompaskon na hinoruhonmin
Ai Ia pambobai sijolom tanganmin
Jenges pangarahkonNi bai naporsaya in

3. Lang bulih ham mangkawah, lao dompak pudi in
Mardamei ma uhurmu marhitei Jesus in
Ai Jesus napasirsir parsarananta in
I lambung ni BapaNi ibaen holongNi in

4. Lang bulih be ham sangsi bai parmateimu in
Ai seng agouhononNi na hinopkopNi in
Asal totap Tuhanta hasomanmin tongtong
Sai ondos ham hu surga bai ujungniin tong

Details

Hits: 1569

1. Sonang do uhurhu bani Naibatangku, Sipagoluh in
Sai huhamegahkon ganup binerehkon ni Naibatangkin
Asal lao hu surga au janah Jesus i lambungku, sabou uhurhu

2. Longkot do tonduyhu hu Bamu Tuhanku, sol totap Bamu
Sai hagigihon na boi manirangkon au hum Bamu
Arta ni dunia on bani halak marsilongkot, in seng huporluhon

3. Pitah sada hansah na boi hasudungan, nini tonduyhin
In ma Jesus Tuhan na tontong haposan, in ma rupeihin
In tumang tujuankin: bai Tuhanku ma uhurhu ge ganup artangku

4. Timbang ma layakNi, idop ni uhurNi hagoluhanmin
In hatundalanmu, ase tandaonmu hasonangan in
Tonduy ni na unduk in mandompakkon Naibatani, na binalosanni

5. Ondos bai Tuhanku pusok uhurhu, na sai tong hubaen
Ai pangarapanku do hagogohonku sanggah sosak au
Lamlam ni uhurNi in sai dingaton ni uhurhu, ase lao holsohku

6. Ganup na maporus bai Tuhanta Jesus iahapkon ma
Surut sitaronon ibaen Tuhan Jesus, layak ganda tong
Dear ni rupeini in asal ma lamlam uhurni paima tingkini

Details

Hits: 1569

1. Na botoh dohor ni ajalhu? Aringku lao bodari roh.
Ai ambit roh sompongtingkingku parpudian na botoh do?
Jesus, Jesus ibaen darohMu in pasonang Ham parmateihin

2. Gati legan bai bod ni ari marimbang bai sogod ni in
Ai sanggah au ijon mansari sai tong jagaon ajalhin;
Jesus, Jesus, ibaen darohMu in, pasonang Ham parmateihin

3. Ajari Ham au, o Tuhanku lao mamingkiri ajalhin;
Singatkon Ham bai uhurhu parmateiMu o Jesuskin;
Jesus, Jesus ibaen darohMu in pasonang Ham parmateihin

4. Urupi Ham au pasirsirkon langkahku na i tanoh on
Paingat Ham au mamberehon Bamu, Tuhanku, uhurhon
Jesus, Jesus, ibaen darohMu in, pasonang Ham parmateihin

5. Lambin masihol au hu surge tundalhononku tanoh on
Sai huparayak dompak surge sadokah au i tanoh on
Jesus, Jesus, ibaen darohMu in, pasonang Ham parmateihin

6. Sai sasap Ham ganup dousangku mahitei-hitei darohMu
In ma hubaen gabe hiouhu marayak hasonagan in
Jesus, Jesus, ibaen darohMu in, pasonang Ham parmateihin

7. Padihut au Bamu, o Jesus, uhurhu tong bai uhurhu
Huja pe Ham sai tong au dihut ijon age i surgaMu
Jesus, Jesus, ibaen darohMu in, pasonang Ham parmateihin

8. Age sompong roh hamateian sadarion ?ge patar pe
Seng habiaran be tanoman dob Jesus rupeihin hape
Jesus, Jesus, ibaen darohMu in, pasonang Ham parmateihin

9. On pe sonang ma au manggoluh, matei pe au sonang do in
Hubotoh ipagoluh Jesus au humbai hamateiankin
Jesus, Jesus, ibaen darohMu in, pasonang Ham parmateihin