1. Anggo jumpah ari hasosakan
huja do ham marhaporusan?
Seng dong jumpah in i tanoh on,
bani Jesus ma ham roh
Pitah sada do na hot ijin Hata ni Tuhanta

2. anggo loja ham mansari goluh
Huja do ham mangalop gogoh?
?ge buei pe diha-dihamu
Sittib do gogohni in
Pitah sada do na hot bamu
Roh ma ham bai Jesus in

3. Anggo roh naborit na mardondon.
Huja do ham marhasuhutan ?
Bai Tuhanta Jesus in ma roh
Ase sonang ham ijin
Jesus panambari na gogoh
Malum ham bahenonNin


1. Sai buei ope na kahou, na i hagolapan in
Sai podas Ham roh o Jesus, lao magojur ganup in
Roh hu harajaonMu, ase sonang baenonMu
Togu Ham ganupan jolma, bai na sonang na i surge

2. Ham pabuei partonahan, suruhanMu na bujur
Na mamboan haluahon, humbai dousa in botul
Sai pasorap tonduyMu, bai ganup jabolonMu
Sai marrohan ma na kahou, bai na lihar in itogu
3. Hanai on pinarmahanMU, Ham, o Jesus tatap ma
Sai paringgas Ham manogu, jolma in bai Naibata
Uhur, holong, tambah ma, ibannami on homa
Mangarahkon ganup jolma, ase roh ganup hu surga


1. Ai ise ma namambotoh in! Panorang ujungni goluh ni?
Porini pe roh hamateian in ai ise ma boi mangambati ?
Sada pe lang hita on hape na boi mambotoh in
Ase manggoluh age matei pe totap bai Jesus in.

2. Sai tong marsihaholongan ma ganup hita bani hasoman
Ai sada pe lang boi hita torsa anggo manggoluh bai dirinta
Sai hagoluhkon Ambilan in haluahonta in
Ase manggoluh ?ge matei ale bai Jesus hita le.

3. Ganup tanoh on marondos ma bai Tuhan simada kuasa
Seng dong hita on na mambotoh da manggoluh atap matei hita
Naibata Bapa i surga do mambotoh hajojor
Ase manggoluh ?ge matei tongon bai Jesus hita on.

1. Sanggah manabad ma mata ni ari, soluk do roh panorang borngin in.
Sonin ma moru goluh ari-ari, lambin dohor ajalta in.
Adong do goluh na lang marpunsa bai hita na porsaya in.
Hasonanganta ibaen Tuhanta, domma sirsir i surga in.

2. I tanoh on seng jumpah hasonangan, ngayot marhoih loja tumang ijin
Seng do na hot na boi gabe haposan, sittib do panorang ijin.
Adong do goluh na lang marpunsa, bai hita na porsaya in
Hasonanganta ibaen Tuhanta, domma sirsir i surga in.

3. Marhitei goluh na marpangarapan, pindahi ma sortalimin ijin.
Ai tanoh on lao salpu do ganupan, lupahon ma, tundalhon in!
Adong do goluh na lang marpunsa, bai hita na porsaya in
Hasonanganta ibaen Tuhanta, domma sirsir i surga in.