Home

Details

Hits: 1408

1.Ham naibata jahowa Tuhan nami
ai horja-Mu do tanoh pakon langit.
Sai na tarmurmur do kuasaMu
sangap do goranMu i tanoh on.

2.Humbai pamangan dakdanak inuman
Inahkon Ham do kuasa hagogohan
Laho pasipkon ganup imbangMu
Na lang ra tunduk bani hatamu.

3.anggo huidah langit na mangerbang
Ampakon bulan nai homa ?ge bintang
In ma panondang mambahen siang
Dear do ijadihon Ham Tuhan.

4.ise ma gakni jolma na tinompa
Na sai tongtong idingat Ham o Tuhan
Janah harga tumang do pn bamu
Ai aha ma ijin palaronMu?

5.jolma itompa Ham marhasurungan
Inahkon Ham sortali hatunggungan
Lao mamarentah tinompaMu in
Unduk hubani do ganupan in

6.Pinahan ampa binatang harangan
?ge manuk-manuk na i awang-awang
Ampakon dengke na i laut in
Sai GoranMu do pasangaponnin.

Details

Hits: 1409

1. Mardalan au sonari hu hasonagan in
Sai lambin roh dohorni au on bai ari in
Humbai daoh huidah lihar ianan in
Sai sonang do sidea, na dob ondos hujin

2. Buei do halilian i tongah dalan in
Podas do au mardalan hu hasonangan in
Buei do hasunsahan na manlioti au
Hubontar parmaraan mardingat Jesus au

3. Itompas milas ari ijomba udan au
Hotop huhabiari na manonggopi au
Matangku sai manatap bai situjuonkin
Ganup na huparsinta sirsir i surga in

4. Malas tumang uhurhu ge hanar imbangkin
Sai Jesus hasomanku, baen hatundalankin
Sai Ia do manogu arian borngin pe
Tenger tumang uhurhu, hu surga au use

5. Hugolom bai uhurhu silang ni Tuhankin
Sai in jolomonku, sai in haposankin
Ai domma saud itobus Tuhanki tonduyhin
Ai Ia do paondos hu surga langkahkin

6. Tenger tumang uhurhu bai pardalanankin
Ge bois pe hosahku, sai ondos au hujin
Ge loja ari-ari bai pardagangan on
Hape satongkin nari sai sonang au tongtong

Details

Hits: 1409

1. Lang bulih ham mardalan sahalak Ham tongon
Sai dilo ma Tuhanta hasomanmu tongtong
Tor boi ma ham hu surga, bai pardousaonmin?
Sai jolom Tuhan Jesus si porsan dousamin

2. Lang bulih Ham holsohan bai sitarononmin
Bai Tuhanmin ompaskon na hinoruhonmin
Ai Ia pambobai sijolom tanganmin
Jenges pangarahkonNi bai naporsaya in

3. Lang bulih ham mangkawah, lao dompak pudi in
Mardamei ma uhurmu marhitei Jesus in
Ai Jesus napasirsir parsarananta in
I lambung ni BapaNi ibaen holongNi in

4. Lang bulih be ham sangsi bai parmateimu in
Ai seng agouhononNi na hinopkopNi in
Asal totap Tuhanta hasomanmin tongtong
Sai ondos ham hu surga bai ujungniin tong

Details

Hits: 1409

1.Satahun use ma surutni, surut homa ma umur hin.
Naha do au na sain dokahni, margagan do parlahouhin?
Ganda do haporsayaonku, `ge holong ni ateihu pe,
Bai Jesus pakon Naibatangku, `pa bai hasomankin ale?

2.Ambit jabapon Naibatangku, tarbador do au ra ijin,
Mardingat lanjur ni uhurhu pakon ganupan gabeihin.
Ai dousa do ijamah tangan, gok dousa `pa uhurhu pe.
Naheihu, mata `pa pamangan, ganup marpipot do hape.

3.Porini matei au sonari, huja ma nani tonduyhin?
Bai hasonangan holi nani rap pakon na mapansing in?
Mamuji Naibata do ahu, ibaen holong ni ateiNi in.
Atap na hona uhum ahu bai apuy na son miloh in?

4.Dousangku seng tarbilangi, hubaen sain dokahni in.
Na dong tarhira be layak ni Tuhanta Jesus na dob in.
Seng ibalaskon Ham, Tuhanku, hu bangku songon dousangkin.
Lumbang do uhurMu hubangku paidah-idah gabeihin.

5.Halani ai ma`se hupuji layakMu in sadari on.
Ai na patibal rujiruji, sai na tarlobih do in tong.
O Jesus, na marholong atei! Ningon hupuji GoranMu.
Ai Ham do hapeni na pandei mambere bangku layakMu.

6.Holong ma ateiMu hubangku, mangkasomani au ijon.
Paondos Ham hu surga ahu bai parrotap ni hosahkon.
Na ra do ahu mangihutkon HataMu, `sai manggoluh au.
Malas uhurhu pararathon baritaMu ronsi daoh.