Home

Details

Hits: 1409

1. Roh Panambaari na gogoh, in ma Tuhanta Jesus.
Bai Tuhan in ma hita roh, sai malum ibaen Jesus.
Dear ni in barita in, malas ni uhur banggal in.
Sai ipuji uhurhin Jesus, Jesus, Jesus.

2. Ai domma sasap dousa in ibaen na matei Jesus.
Ai seng be jujuronni in, ibaen holong ni Jesus
Dear ni in barita in, malas ni uhur banggal in.
Sai ipuji uhurhin Jesus, Jesus, Jesus.

3. Na parngit bani goluhkon, ibuat Tuhan Jesus
Antong ganup hasomankin, podas ma roh bai Jesus
Dear ni in barita in, malas ni uhur banggal in.
Sai ipuji uhurhin Jesus, Jesus, Jesus.

4. Bani parroh ni Tuhan in, boi idahonku Jesus
Malas tumang ma uhurhin, dob domu au bai Jesus
Dear ni in barita in, malas ni uhur banggal in.
Sai ipuji uhurhin Jesus, Jesus, Jesus.

Details

Hits: 1409

1. Patimbul bei ma tunggungni Jahowa Naibatanta
Baen ma tarimakasih in bai Naibata Bapanta
Ai ganup hasombuhon in ampakon na mabajan in ilawan Naibatanta

2. Tongtong sombahonnami Ham lao paondos pujian
Ibaen na igomgomi Ham kuriaMu ganupan
Na so marsibar gogohMu sai ningon saud do uhurMu ase dong tuahnami

3. O Jesus, ai sahalak Ham do Anak ni Jahowa
Na magou ipagoluh Ham maronti Hata rana
O Jesus Tuhannami on, tangihon sombahnami on urupi Ham hanami

4. Ham o Tonduy Napansing in parorot Ham ganupan
Pinaluah ni Kristus in marhitei sitaronon
Sai olat ma sibolis in, padaoh hadorsaon in patenger uhurnami

Details

Hits: 1409

1. Bintang pambobai Batu gingging in
Tungkot sijoloman bai na landit in
Ruti hagoluhan bah na torsuk in.
Alat situjuan in ma Jesus in
Alat situjuan in ma Jesus in

2. Ham tongon gogohku pangajamankin,
Damei ni uhurMu, hasonangankin.
Goluh ni tonduyhu hatuahonkin,
In ma, alo Tuhan; Ham tumang do in,
In ma, alo Tuhan; Ham tumang do in

3. Anggo seng marhitei Ham o Jesuskin,
Ai tor humbai ise gogoh lao hujin?
Ham tarbaen paringan siporsanonkin,
Holong niarapkon; Ham do Jesuskin,
Holong niarapkon; Ham do Jesuskin

Details

Hits: 1409

1. Na martidah bai gok iluh, mangarapkon Tuhan in
Megah do use manabi, goluh na sonang totap
Hombun pakon mataniari na mambaen gabe toras
Ronsi rundut ganup buyur buah na ramos toras

2. Ai pe ulang hita lolei, manaburhon bonih in
Ase sanggah na manabi, megah uhurta ijin
Hombun pakon mataniari na mambaen gabe toras
Ronsi rundut ganup buyur buah na ramos toras

3. Tonggor omei na i juma, mombur janah sai tabun
Tiap buyur gok saratus, age roh sibolis in
Hombun pakon mataniari na mambaen gabe toras
Ronsi rundut ganup buyur buah na ramos toras