1. Domma naik Ham lao husurga in
Tuhan Jesus, Raja nami
Ham do irikonon nami
Pambobai in lao husurga in

2. Mahol dalan on, togu hanai on
Ase bansah ma hanami humbai ganup munduh nami
Na i tanoh on, togu Ham tongtong

3. Suruh TonduyMu jadi gantihMu
Roh hubagas uhur nami mambobai tonduynami
Lao husurga in bai na sonang in


1. Asal rap ampakon Tuhan Jesus au
Sadokahni mangiankon tanoh hasunsahan au
Sonang do uhurhu, ai hubotoh Jesus hasomanku

2. Anggo Tuhan Jesus hasomanku tong
Bahenonku do maporus sigompangi tonduyhon
Sai martuah diri, anggo Jesus do hasoman diri

3. Sonang do uhurhu rapkon Jesuskin
Ai isasap do dousangku, ipatorang langkahkin.
Ase ulang magou tonduyhin bahenon ni pangagou.


1. Bintang pambobai Batu gingging in
Tungkot sijoloman bai na landit in
Ruti hagoluhan bah na torsuk in.
Alat situjuan in ma Jesus in
Alat situjuan in ma Jesus in

2. Ham tongon gogohku pangajamankin,
Damei ni uhurMu, hasonangankin.
Goluh ni tonduyhu hatuahonkin,
In ma, alo Tuhan; Ham tumang do in,
In ma, alo Tuhan; Ham tumang do in

3. Anggo seng marhitei Ham o Jesuskin,
Ai tor humbai ise gogoh lao hujin?
Ham tarbaen paringan siporsanonkin,
Holong niarapkon; Ham do Jesuskin,
Holong niarapkon; Ham do Jesuskin


1. Sai paingat Ham sonari atap na bujur au on
Janah tuduh Ham ganup na hubaen na so talup
Ase sasap ma dosangku janah sonang ma uhurhu

2.Ai buei do parlahouhu seng harosuhMu hape
Ai gok dousa do uhurhu salah do hatangku pe
Ganup tongkin au pandur lang mardingat be bujur
Pasal TitahMu hubangku ibaen banggal ni dousangku

3.Sai holong ma Ham Tuhanku sai palumbang uhurMu
Ai borat tumang uhurhu ibaen dousangkin Bamu
Sai patidak layakMu pakon holong ateiMu
Ase tambah ma ringgasku bai ganupan parentahMu

4.Sai papansing Ham uhurhu ampa sanggah modom au
LayakMu baen Ham sabingku suruh na manjaga au
Ham pamiloh apuy in pa manjaga rumah in
Ulang tangis da hanami patar dob puho hanami

5.Ham ma tong na manundati anggo roh parjahat in
Ulang be pajalangonni akal ni uhurni in
Hubannami anakMu na hinaholonganMu
Ham manampar humbannami na ra mangagou hanami

6.Seng na sinok hape Tuhan ge ibagas borngin in
Jesus Ham do Siparmahan na madear uhur in
Borngin ge arian pe iramoti Ham hape
Tong iankon Ham hanami ase sinok matanami

7.Sai jorgit puhoi hanami bani panorangni in
Manumpahkon horja nami ase saud ganupan in
Anggo sol aloponMu borngin on au, o Tuhan
Hubai tanganMu ma ahu ?ge pamatang ?pa tonduyhu