Home

Details

Hits: 1314

1.Bai parroh ni gilumbang, na laho mangkaromhon,
mambahen lang sonang, au mandapotkon labuhan in
Pitah Goran-Mu do Tuhan, na boi mangurupi.
Pitah Goran-Mu do Tuhan, na boi mangurupi.

2. Anggo lang rapkon Tuhan, usih bai layang-layang,
na rotap talini, na kahou nari goluhniin
Pitah Goran-Mu do Tuhan, na boi mangurupi.
Pitah Goran-Mu do Tuhan, na boi mangurupi.

3. Malas tumang uhurhu, anggo rapkon Tuhanku,
halani holong-Ni, manogu au hu lambung-Ni in
Pitah Goran-Mu do Tuhan, na boi mangurupi.
Pitah Goran-Mu do Tuhan, na boi mangurupi.

Details

Hits: 1314

1. Ham Naibata banggal tumang,
janah borat dousangku
Seng dong ijon i tanoh on,tarbaen haporusanku.

2. ?Ge pe huja au laho da mangalop hatuahon.
Seng dapot in bai tanoh in, bai ganup hajolmaon.

3. On pe Bamu naman au roh, sai ulang tulak ahu;
Pahombun Ham, o Naibata, parringisMu hubangku.

4. Ai darohMu na harga in, Jesus, baen pardearan;
Sahei ijin do utangkin bai hayu na marsilang.

5. Irik pe tong, sai roh sintong ?ge uhumMu hubangku.
Jorai au on bai goluhkon hu surga baen uhurhu.

6. Padaoh Ham na jahat i, papansing Ham uhurhu.
Sihol unduk do au Bamu, sai hataMu do bangku.

7. Bai dopMu ma uhurhin, sai sasap Ham dousangku.
Hu lambungMu ma tonduyhin bai rotap ni hosahku.

Details

Hits: 1314

1. Bai borngin ni in sanggah tubuh Jesus ijin.
sinok do par Betlehem in, seng dong na mambotoh,
Talar ma ijin Anak bagah-bagah do in,
Na dob ibagahkon hinan, laho manobus jolma
Saud ma tongon ganup na tarsurat in,
na sinuratni ganup Nabi.
Jalo ma in hagoluhanmu do in,
ase das ham hu hasonangan.

2. Megah do tumang hai uhurni si Josep in,
ampa si Maria ijin na mangabing Jesus.
Ijin ma torang Anak na hun surga do in,
sinuruh ni Bapa do in, pardousa itobus.
Saud ma tongon ganup na tarsurat in,
na sinuratni ganup Nabi.
Jalo ma in hagoluhanmu do in,
ase das ham hu hasonangan.

3. Ganup hita on ase hamegahkon ma in,
puji ma goran-Ni tongtong ronsi sadokahni.
Ai seng dong ijon na marhagogohon sonin,
boi manogu jolma tongon gabe hulanan-Ni.
Saud ma tongon ganup na tarsurat in,
na sinuratni ganup Nabi.
Jalo ma in hagoluhanmu do in,
ase das ham hu hasonangan.

Details

Hits: 1314

1. Sai paingat Ham sonari atap na bujur au on
Janah tuduh Ham ganup na hubaen na so talup
Ase sasap ma dosangku janah sonang ma uhurhu

2.Ai buei do parlahouhu seng harosuhMu hape
Ai gok dousa do uhurhu salah do hatangku pe
Ganup tongkin au pandur lang mardingat be bujur
Pasal TitahMu hubangku ibaen banggal ni dousangku

3.Sai holong ma Ham Tuhanku sai palumbang uhurMu
Ai borat tumang uhurhu ibaen dousangkin Bamu
Sai patidak layakMu pakon holong ateiMu
Ase tambah ma ringgasku bai ganupan parentahMu

4.Sai papansing Ham uhurhu ampa sanggah modom au
LayakMu baen Ham sabingku suruh na manjaga au
Ham pamiloh apuy in pa manjaga rumah in
Ulang tangis da hanami patar dob puho hanami

5.Ham ma tong na manundati anggo roh parjahat in
Ulang be pajalangonni akal ni uhurni in
Hubannami anakMu na hinaholonganMu
Ham manampar humbannami na ra mangagou hanami

6.Seng na sinok hape Tuhan ge ibagas borngin in
Jesus Ham do Siparmahan na madear uhur in
Borngin ge arian pe iramoti Ham hape
Tong iankon Ham hanami ase sinok matanami

7.Sai jorgit puhoi hanami bani panorangni in
Manumpahkon horja nami ase saud ganupan in
Anggo sol aloponMu borngin on au, o Tuhan
Hubai tanganMu ma ahu ?ge pamatang ?pa tonduyhu