Home

Details

Hits: 1409

1.Satahun use ma surutni, surut homa ma umur hin.
Naha do au na sain dokahni, margagan do parlahouhin?
Ganda do haporsayaonku, `ge holong ni ateihu pe,
Bai Jesus pakon Naibatangku, `pa bai hasomankin ale?

2.Ambit jabapon Naibatangku, tarbador do au ra ijin,
Mardingat lanjur ni uhurhu pakon ganupan gabeihin.
Ai dousa do ijamah tangan, gok dousa `pa uhurhu pe.
Naheihu, mata `pa pamangan, ganup marpipot do hape.

3.Porini matei au sonari, huja ma nani tonduyhin?
Bai hasonangan holi nani rap pakon na mapansing in?
Mamuji Naibata do ahu, ibaen holong ni ateiNi in.
Atap na hona uhum ahu bai apuy na son miloh in?

4.Dousangku seng tarbilangi, hubaen sain dokahni in.
Na dong tarhira be layak ni Tuhanta Jesus na dob in.
Seng ibalaskon Ham, Tuhanku, hu bangku songon dousangkin.
Lumbang do uhurMu hubangku paidah-idah gabeihin.

5.Halani ai ma`se hupuji layakMu in sadari on.
Ai na patibal rujiruji, sai na tarlobih do in tong.
O Jesus, na marholong atei! Ningon hupuji GoranMu.
Ai Ham do hapeni na pandei mambere bangku layakMu.

6.Holong ma ateiMu hubangku, mangkasomani au ijon.
Paondos Ham hu surga ahu bai parrotap ni hosahkon.
Na ra do ahu mangihutkon HataMu, `sai manggoluh au.
Malas uhurhu pararathon baritaMu ronsi daoh.

Details

Hits: 1409

1. Martumpu ma hita malas uhurta
laho ma hita hu Betlehem.
Tonggor malekat mamuji Tuhanta
sai sombah puji Ia, sai sombah puji Ia,
sai sombah puji Ia Rajanta in.

2. Mandoding ganupan malekat ni Tuhan,
rap pakon jolma mandoding ma.
Puji Tuhanta sipaluah hita,
sai sombah puji Ia, sai sombah puji Ia,
sai sombah puji Ia Rajanta in.

3. Tuhanta na sangap tubuh i dunia,
doskon songon hita jolma on.
Roh do Tuhanta sipaluah hita,
sai sombah puji Ia, sai sombah puji Ia,
sai sombah puji Ia Rajanta in.

4. Padan ni Tuhanta, domma saud igoki,
lao patalarhon holongNi in.
Ganup mandoding marmalas ni uhur,
sai sombah puji Ia, sai sombah puji Ia,
sai sombah puji Ia Rajanta in.

Details

Hits: 1409

1.Sada do hansa sura-surangku bai ganup dunia on
Seng anjai lang malas do uhurhu anggo jumpah au ma on
Sihol sai ingaton ni uhurhu na binaen ni Jesus bai tonduy hu
sanggah pinorsanNi in haganupan dousangkin

2.Ningon Ia do tongtong ingaton sanggah na tarpaku in
Bai parsilang in do igantungkon,sai madurus darohNiin
Ai mangkopkop au parah horahNi, ase dihut au gabe upahNi
Ikawahkon do au on,ihatahon:"Domma dob"

3.O Jesusku,Ham pagolpa ahu bai dousangku,hu Bamu
Sanggah bai na golap ope ahu, sai lumbang do uhurMu
Ai dokah Ham mangindahi ahu, ase ulang magou au na kahou
Ham manaron marsik in,lao manobus tonduyhin

4.Gok Bamu ma au,ale Tuhanku,janah Ham ma rupeihin
Amen,rokamkon Ham ma hubangku,GoranMu bai uhurhin
RosuhMu na mando sungkunonku bai ganup na lao horjahononku
In ma parpadanankin hu Bamu,o Jesuskin

Details

Hits: 1409

1. Togu ham au sai jolom ham tanganku,
ai na galek do au lang rapkon Ham.
Rap pakon Ham hinsah do au mardalan.
Bai parmaraan boi do au sonang.

2. Sai togu au sihol Bamu uhurhu,
?se roh dohorni au hu lambungMu.
Ai na urah tumang ope au kahou,
manlembang humbai hasintonganMu.

3. Ajari ham mahol ope hutanda,
lang huarusi pambahenanMu.
dob roh tonduyMu in ase hudiah,
Tangkas torang ganup pambaenanMu.

4. Urupi Ham bai ujung ni langkahku,
mamolus lombang hagolapan in.
Si bohiMu panondang bai dalanku
boan Ham ahu hu rumahMu.