Home

Details

Hits: 1409

1. O Tuhan pareksa ham au sondangi uhurhu tangkas.
Ai seng dong margogoh be au.
Bamu au paringgas, Bamu au padonok, Bamu mando au.
Bamu au paringgas, Bamu au padonok, Bamu mando au.

2. Huja ma marguna be in, age pe marnah ringgit au?
Ibabou hasusurankin,
Ham Jesus artangku, hujai do siholhu, sonang uhurhin,
Ham Jesus artangku, hujai do siholhu, sonang uhurhin,

3. Ganup huondoskon Bamu, ai Ham do ompung ni hinan,
Tongtong huondoskon bamu,
ai Ham do, o Jesus, sihopkop ganupan, gok bamu au on.
ai Ham do, o Jesus, sihopkop ganupan, gok bamu au on.

4. Hujamah tangan-Mu tongtong, dalanku pe torang, sonang.
Sabou ma tongtong uhurhon,
ai ham Sipargogoh, ai Ham sipargoluh, pagoluh ham au.
ai ham Sipargogoh, ai Ham sipargoluh, pagoluh ham au.

5. Ipuji uhurhu do tong Ham Jesus, hasomanku tong;
Gogohku ham mando tongon,
sai gok ma uhurhu, mamuji goran-Mu, hupuji bujur.
sai gok ma uhurhu, mamuji goran-Mu, hupuji bujur.

6. Bamu ma Tuhanku au lao, dob bois bohalhu ijon.
Pargogoh, parlayak do Ham,
parorot, urupi, sai tong hasomani, sai togu au on.
parorot, urupi, sai tong hasomani, sai togu au on.

Details

Hits: 1409

1. Ham Naibata banggal tumang,
janah borat dousangku
Seng dong ijon i tanoh on,tarbaen haporusanku.

2. ?Ge pe huja au laho da mangalop hatuahon.
Seng dapot in bai tanoh in, bai ganup hajolmaon.

3. On pe Bamu naman au roh, sai ulang tulak ahu;
Pahombun Ham, o Naibata, parringisMu hubangku.

4. Ai darohMu na harga in, Jesus, baen pardearan;
Sahei ijin do utangkin bai hayu na marsilang.

5. Irik pe tong, sai roh sintong ?ge uhumMu hubangku.
Jorai au on bai goluhkon hu surga baen uhurhu.

6. Padaoh Ham na jahat i, papansing Ham uhurhu.
Sihol unduk do au Bamu, sai hataMu do bangku.

7. Bai dopMu ma uhurhin, sai sasap Ham dousangku.
Hu lambungMu ma tonduyhin bai rotap ni hosahku.

Details

Hits: 1409

1. Marujung ma nuan saminggu parlayakMu na dong sonin
Songon binereMu hubangku pasuMu in bai uhurhin
Sonin ma ge hulobei on, sai Ham manongos in tongtong

2. Hupuji Ham o Naibatangku tarima kasih ma Bamu
Ibaen pambereMu ganupan hubangku ai hubotoh do
Megah do Ham bai dodingkin marhitei-hitei Jesus in

3. Tongon sai dong pe na hutaron ilopas Ham saminggu on
Itumpak Ham do au manaron ase bai hadearon on
Ihorhon na hutaron in sai GoranMu pujionkin

4. Nuan adong pangindoanku na porlu sibereonMu
Sai ulang dingat Ham dousangku, holong ma Ham manguras au
Marhitei-hitei daroh in na dob manggalar utangkin

5. Seng mubah hataMu hubangku totap do bagah-bagahMu
Ai pagoluhonMu pardousa anggo marhoru uhurniin
Janah iboan dousa in bai Jesus Sipaluah in

6. In ma ginolom ni uhurhu bani haporsayaonkin
Ase malas nuan uhurhu lao paujungkon minggu in
Ai domma sonang uhurhin ibaen pangarapanni in

7. Lambin martambah ma umurhu lambin madohor ma homa
Arini lao tadingkononku dunia on marayak Ham
Tagam hinan baen tonduyhin, marayak hasonangan in

8. Anggo dob puho ahu sogod bai ari Minggu na roh in
Megah uhurhu laho bongkot hubagas parmingguan in
Ai jaloonku ma ijin Ambilan na mapansing in

9. Dob-dob hinan ma lah hupuji na sihol bereonkonMu
Hubotoh do pangkaholongi ni Ham age hupudi on
Hu Surga au itogu Ham, sonin ipingkir Ham hinan

Details

Hits: 1409

1. Manjaga ma hanima nabujur uhurhin
Na hiti suluh nima ai roh ma borngin in
Na rohma siparunjuk bai tunangan Ni in
Na tong mangkasiholi Parunjukon Ni in

2. Pasirsir suluhnima, gok minak bahen in
Managam Tuhan nima siboba tuah in !
Ai na manjaga Sion do na mandilo ham
Dohor ma hatuahon, roh ma rajamu bam

3. Hanima ma namaruhur, padurgak ma lah bam
Dodingkon haleluya, marsurak nasiam !
Ungkap do tong horbangan, sir sir ma horja in
Sai masuk ma ganupan rap pakon Raja in.

4. Barah ma roh Tuhan ta manjaga nasiam
Tangihon golpa golpa, na dob ibogei ham !
Malele siang ari, lao ma na golap in
Dohor ma panorang ni, lihar ma ari in.
5. Nasiam na holong uhur bai huta sion in
Sai roh ma bani Rajamu malas ma uhurmin
Ai ari hamegahon na jumpah ma nuan
Janah ganup tunangan, parrudangNi ma.

6. Na tahan in manaron ganup nasahit in
Silawan hajahaton ampakon dosa in
Manggoluh ma hanima anjaha manrajai!
Rap ampa Tuhan nima marsangap ma ijai

7. Ijon do lambei gorsing hamonagan ni in
Ijon hiou na pansing, hapintoron ni in
Ijon do hadameihon ni na manrutol in
Ijon do hagoluhan ni na binunuh in

8. Ijon do huta sion ianan na dear
Na gok hamuliaon na jenges, natalar
Ijon alaman omas, ijon nahorja in
Sirsir sortali omas bai tuanganNi in

9. O Jesus, hamegahon, papodas ham ma roh
Seng tahan au manaron, seng sonang au ijon
Bai tanoh parutolon, na idunia on
Ham do Ihasiholhon uhurhu sai tongtong