Home

Details

Hits: 1407

1. Sai paingat Ham sonari atap na bujur au on
Janah tuduh Ham ganup na hubaen na so talup
Ase sasap ma dosangku janah sonang ma uhurhu

2.Ai buei do parlahouhu seng harosuhMu hape
Ai gok dousa do uhurhu salah do hatangku pe
Ganup tongkin au pandur lang mardingat be bujur
Pasal TitahMu hubangku ibaen banggal ni dousangku

3.Sai holong ma Ham Tuhanku sai palumbang uhurMu
Ai borat tumang uhurhu ibaen dousangkin Bamu
Sai patidak layakMu pakon holong ateiMu
Ase tambah ma ringgasku bai ganupan parentahMu

4.Sai papansing Ham uhurhu ampa sanggah modom au
LayakMu baen Ham sabingku suruh na manjaga au
Ham pamiloh apuy in pa manjaga rumah in
Ulang tangis da hanami patar dob puho hanami

5.Ham ma tong na manundati anggo roh parjahat in
Ulang be pajalangonni akal ni uhurni in
Hubannami anakMu na hinaholonganMu
Ham manampar humbannami na ra mangagou hanami

6.Seng na sinok hape Tuhan ge ibagas borngin in
Jesus Ham do Siparmahan na madear uhur in
Borngin ge arian pe iramoti Ham hape
Tong iankon Ham hanami ase sinok matanami

7.Sai jorgit puhoi hanami bani panorangni in
Manumpahkon horja nami ase saud ganupan in
Anggo sol aloponMu borngin on au, o Tuhan
Hubai tanganMu ma ahu ?ge pamatang ?pa tonduyhu

Details

Hits: 1407

1. Sai nagori atas do situjuon ni uhurta
Ai na manginsolat do hita I nagori tongah
Pardagangan tanoh in Surga hasusuran in

2. O tonduyhu tatap ma Surga in hasusuranmu
Tanoh on tundalhon ma seng talup in iananmu
Surga do tujuan ni na torang maruhur in
3. Jesus mangkatahon au ?Sai tujui ma dompak babou?
Ulang lambin sirang au humbai hasusuran kahou
Ia tong hudingat in das ma au use hujin

4. Sai hu babou do tongtong lao panatap ni uhurhu
Ai rupei hu na dob gok do I lambungni Bapangku
Ge pe rondang bintang in marsinalsalan do in

5. Sai hu babou laho au hamatein do hiteihu
Ase lalab sirang au humbai pusokni uhur hu
Jesus do hunlobei lao, gabe megah lao ma au

6. Surga in na mando tong na porlu bani tonduyhu
Rotaponku ma tongtong rosuh-rosuh ni dagingku
Surga do tujuankin ronsi ondos au hujin

Details

Hits: 1407

1. O, hamateian ija do sorodmin, talu do ho ibaen Tuhanku.
Mulak manggoluh do Tuhanku hunjin, mamboban hatuahon bangku.
Ai domma puho hape Tuhan, maluah ganup na tartaban.
Ai seng margogoh be sibolis nuan, sonai ampakon hamateian.

2. Halani ai seng habiaran be in, porini aha pe na masa.
?Ge hamarsikon hamateian pe in, Tuhanta do tong hasomanta.
Ai ningon puho use hita, manjalo upah hagoluhan.
Asal ma ulang hita engkar ijin, bai haganup Hata ni Tuhan.

3. Ai seng tarsibar be megahku ijin, ai domma ipaluah ahu.
Ganup panorang ganup tingki ijin, malas ni uhur do rupeihu.
Mandoding rap pakon hasoman, manjalo ulih hasonangan.
Ai seng adong be partangisan ijin, ?ge holsoh pakon parmaraan.

Details

Hits: 1407

1. Idingat halak dagang do hasusuran ni in
Ai hira marsinondang ijin bintang ni in

2. Tongtong siholan ia hubai hasoman niin
Sihol homa ma ia lao mangayaki in

3. Hape tubuhan poyon ganup tanoman in
Mambahen parsahitan do in bai uhurh niin

4. Ai ma mambaen uhurni mardingat langit in
Mangkawah bai bintangni na marsinalsal in

5. Dob ai nini uhurni: ijai hasomankai
I lambung ni BapaNi i hasonangan ai

6. Masihol do uhurni bai na iatas in
Sihol ihutkonon ni hu hasonangan in

7. Alo amang pardagang ai sihol sonang ho?
Sai ulang bai na alang sai hapataran ho

8. Porsaya ma bai Jesus sibere tuah in
Ai domma ho itobus igalar dousamin

9. Ai sol arahkonon Ni na dob porsaya in
Ganupan tinobus Ni hu hasonangan in