1. Lao salpu ari Minggu, domma sombuh siholhu Bamu o Tuhankin
NiajarMu do ahu janah na bosur ahu
Marhiteihon ni hata Mu

2. Ham do na marianan bai uhurhon o Tuhan
Sonang ma au nuan marayak podomanku
Ai sasap ma dousangku sabingku layakMu hubaen

3. Ai sahit ni tonduyhu do malum o Tuhanku
Ai rumahMu do au.Na sonang do uhurhu
Dob misir ma humbangku ganup na pagolapkon au

4. Ham manramotkon ahu Ham manondangi ahu
Ibagas na golap. Paima roh arian
Na so marhaingganan sadokah ni dokahni in

5. Na sonang do uhurhu malekatMu manjaga
Na mangoromi au. Hu idah bai uhurhu
Parjenges ni Tuhanku ambit podas ma ondos au


1. Dong do openi parsaranan, uhur hujolom hata in
Ai ma se ho tongtong holsohan binaen ni hajolmaon min?
Sai tonggor ma hatuahonmu, ai Jesus do hagoluhanmu
Doras marlintun ho hujin
Podas maronti parlawanan, podas do dapot hamonangan
Sai ayak ma hu surga in

2. Ai iparsirsir Naibatanta, ianan sadokahni in
Seng dong openi jolma sada sirsir ma dong ianan niin
Ai matei bani parsilang do Jesus, ase hita sonang
Lao masuk bani ianan in
Ganupan hita on na loja sai roh ma lah nini Tuhanta
Parayak ma hu surga in

3. Hanima na pusokan uhur manaron halojaon in
pahinsah bei ma ganup uhur sai ulang be marhoru in
Itaron ho marhasunsahan, sai roh ma ho bai hasonangan
Idilo Tuhan Jesus in
Hanima bangsa ni Jahowa, sibolis in do hona hata
Ai domma talu munsuh in

4. Marsaran mando hape hita ilambungni Tuhan in
Mardamei janah sonang hita tongtong bai iananNi in
Padoras hita langkahta, mangayak rumahni Tuhanta
Lang bulih lolei hita on
Sai eta hita ?le hasoman marlintun hu bai hamonangan
Dohor do hasonangan in


1.Ari na so maringganin sai songon longgur sorani
Alolingmin hubangku, songon tini ham uhurhin
Bai podang nadob marot in huja ma ahu laho ?
Sai hitir hitir uhurhin anggo hupingkir parrohmin

2. Ai hadorsaon tanoh on, sai salpu use do tongon
Bai ujung ni ganupan
Anggo na roh magira in, nadong be salpu anggo in
Sadokah ni dokah ni
Nadong maluah be hunjin , na lao hu hamagouan in

3. Mabiar au mangidah ho, alo panorang na lao roh
Tor pag marlansei diri ?
Mamingkir borngin nagolap, ganup naborit pe totap
Lang jut ma uhur diri ?
Ai seng be dong anjukni in, boritni i dunia in.

4. O naibata, pintor do Ham, parjahat in idabuh ham
Bai apuy na so miloh
Pondok do pardosa in, hape anggo uhum in
Lanjar do in mangodoh
O jolma, ingat ni tongtong sadokah namanggoluh ho

5. Sai puho ho, na modom in bai dosa hamagouan in
Paubah ma uhurmu !
Dohor do paruhuman in, sai jaloonmu do ijin
Balos ni parlahoumu
Sai ulang parlanseihon in, ai seng tarsibar hosah in

6. Ari na so maringgan in, sai songon podang hape in
Maniham uhur diri
Ari na so marpunsa in, sai pusok do tong uhurhin
Huja ma laho diri ?
O Jesus, holong ateiMu, pamasuk ahu hu surgaMu


1. Manjaga ma hanima nabujur uhurhin
Na hiti suluh nima ai roh ma borngin in
Na rohma siparunjuk bai tunangan Ni in
Na tong mangkasiholi Parunjukon Ni in

2. Pasirsir suluhnima, gok minak bahen in
Managam Tuhan nima siboba tuah in !
Ai na manjaga Sion do na mandilo ham
Dohor ma hatuahon, roh ma rajamu bam

3. Hanima ma namaruhur, padurgak ma lah bam
Dodingkon haleluya, marsurak nasiam !
Ungkap do tong horbangan, sir sir ma horja in
Sai masuk ma ganupan rap pakon Raja in.

4. Barah ma roh Tuhan ta manjaga nasiam
Tangihon golpa golpa, na dob ibogei ham !
Malele siang ari, lao ma na golap in
Dohor ma panorang ni, lihar ma ari in.
5. Nasiam na holong uhur bai huta sion in
Sai roh ma bani Rajamu malas ma uhurmin
Ai ari hamegahon na jumpah ma nuan
Janah ganup tunangan, parrudangNi ma.

6. Na tahan in manaron ganup nasahit in
Silawan hajahaton ampakon dosa in
Manggoluh ma hanima anjaha manrajai!
Rap ampa Tuhan nima marsangap ma ijai

7. Ijon do lambei gorsing hamonagan ni in
Ijon hiou na pansing, hapintoron ni in
Ijon do hadameihon ni na manrutol in
Ijon do hagoluhan ni na binunuh in

8. Ijon do huta sion ianan na dear
Na gok hamuliaon na jenges, natalar
Ijon alaman omas, ijon nahorja in
Sirsir sortali omas bai tuanganNi in

9. O Jesus, hamegahon, papodas ham ma roh
Seng tahan au manaron, seng sonang au ijon
Bai tanoh parutolon, na idunia on
Ham do Ihasiholhon uhurhu sai tongtong