1. Mahasoman Jesus, marhasoman Jesus, sai monang hita on
Marhasoman Jesus, marhasoman Jesus talu sibolis in
Marhasoman Tuhan Jesus, hita monang do tongtong
Marhasoman Tuhan Jesus, sai monang hita on

2. Anggo Tuhan Jesus, anggo Tuhan Jesus, hasomankin tongtong
Ningon do maporus, ningon do maporus, sibolis munsuh in
Tuhan Jesus hasomanta, lao mangimbang dousa in
Ase saud sonang hita, ronsi sadokahniin

3. Gok pe paruntolon, gok pe paruntolon, bani goluhta on
Mangajamkon Jesus, mangajamkon Jesus, monang do hita on
Sai martonggo ulang holang, ase monang hita on
Ase das ganupan hita hubani na sonang


1. O Jesus na Pagoluh au, Anak ni Naibata.
Holong atei-Mu togu au, ondos bai Naibata.

2. Tongon sonang do uhurhin mardingat layak-Mu;
Ai Ham do hagoluhankin bani parmatei-Mu.

3. Anggo domma manosal au halani dousakin,
iipuk daroh-Mu do au anggo hudingat in.

4. Ibuat Ham do horungkin papuho uhurhon,
na sonang au halani in, bai hasombuhonkon.

5. Hutanom mando uhurhin hubagas uhur-Mu,
sonang ma au halani in, au pinagoluh-Mu.

6. Huhatengerhon hata-Mu, ai na sintong do in;
Hudingat bagah-bagah-Mu na so ubahon in.

7. O Jesus, Ham do huankin, sai gok bamu ma au;
Ai Ham do hagoluhankin age lao matei au.

8. Ihasiholi uhurhin au sol ianan-Mu;
Ai pe urasi tonduyhin, papansing Ham ma au.

1. Hatahononta diatei tupa ma, ai Negaranta tanoh na lambut
Laut bolag dologni pe ratah, talun jenges ampar do haganup,
In haganupan pasu-pasu-Ni, simada kuasa Tuhan Naibata,
In haganupan pasu-pasu-Ni , simada kuasa Tuhan Naibata.

2. Sanggah poltak mataniari in, martitialas bai sogodni in,
Morum mangerbang bunga-bunga in, irandu doding ni bossala in
In haganupan pasu-pasu-Ni, simada kuasa Tuhan Naibata,
In haganupan pasu-pasu-Ni , simada kuasa Tuhan Naibata.

3. Tanoh na gombur musim pe dear, torsa ganupan mambahen jagar
Jenges idahon damei do ijin, in ma tanohta hatubuhan in
In haganupan pasu-pasu-Ni, simada kuasa Tuhan Naibata,
In haganupan pasu-pasu-Ni , simada kuasa Tuhan Naibata.

1. Panorang na dear tama, hita martumpu.
Mamudji Tuhan Naibata, bai ari Minggu
Eta ma misir hita rup, lao hu gareja.
Mamuji Naibata unduk, odor ma hita.
Horas horas hita ganup, ulang mahua
Daoh ma in na lang talup, i baen Tuhanta.

2. Sadari on ma da tongon, ari ni Tuhan.
Ulang das lolei hita on, hupartumpuan.
Eta ma misir hita rup, lao hu gareja.
Mamuji Naibata unduk, odor ma hita.
Horas horas hita ganup, ulang mahua
Daoh ma in na lang talup, i baen Tuhanta.

3. Ari na madear tumang, bai na mar Tuhan.
Langkah ni pe tongtong torang, hu parmingguan.
Eta ma misir hita rup, lao hu gareja.
Mamuji Naibata unduk, odor ma hita.
Horas horas hita ganup, ulang mahua
Daoh ma in na lang talup, i baen Tuhanta.

4. Marsiarahan hita on, pakon hasoman.
Ase jumpahan hita tong, layak ni Tuhan.
Eta ma misir hita rup, lao hu gareja.
Mamuji Naibata unduk, odor ma hita.
Horas horas hita ganup, ulang mahua
Daoh ma in na lang talup, i baen Tuhanta.