Home

Details

Hits: 1577

1. Ambilan ni Tuhan Jesus, sanggah na iatas dolog.
Martuah ma nasombuh tonduy ijin, ai bani do nagori atas.
Martuah ma nasombuh tonduy ijin, ai bani do nagori atas.

2. Ambilan ni Tuhan Jesus, sanggah na iatas dolog.
:,: Martuah ma na pusok uhur ijin, ai siapohon do sidea.

3. Ambilan ni Tuhan Jesus, sanggah na iatas dolog.
:,: Martuah ma na lamlam uhur ijin, sidea do manean tanoh.

4. Ambilan ni Tuhan Jesus, sanggah na iatas dolog.
:,: Martuah na horahan bai na pintor, sipabosuron do sidea.

5. Ambilan ni Tuhan Jesus, sanggah na iatas dolog.
:,: Martuah ma paridop uhur ijin, ai siidopan do sidea.

6. Ambilan ni Tuhan Jesus, sanggah na iatas dolog.
:,: Martuah ma na borsih uhur ijin, ai idahonni Naibatanta.

7. Ambilan ni Tuhan Jesus, sanggah na iatas dolog.
:,: Martuah ma sibahen damei ijin, in do anakni Naibatanta.

8. Ambilan ni Tuhan Jesus, sanggah na iatas dolog.
:,: Martuah nai parburu gepe pintor, ai bani do nagoriatas.

Details

Hits: 1577

1. Sai hulobei Mu Tuhanku, hu useihon uhurhon
Sai pasiat Ham tonggongku, pakon ganup iluhkon

2. Husolsoli do uhurhu nagok dousa in tongtong
Ai buei ari-aringku huparambur-ambur tong

3. Sai gati do hutadingkon dalan Mu na pintor in
Kristen au hape hujolom dalan hamagouan in

4. Halanin unduk uhurhu nuan i lobei-Mu
Sai holong ma Ham, o Tuhan, dousakin sai sasap Ham

5. Sai bujur ma hupadankon uhurhon nuan Bamu
Sai hu surga tujuanku! Jesus togu Ham ma au.

6. Mangirikkon Ham, Tuhanku sai malas ma uhurhin
Sai totap ma in padanku! Amen, saud ma Hata in!

Details

Hits: 1578

1. Pohu ho o tonduyhin, puho lao martonggo
Ase ulang munsuhmin, roh na so binotoh.
Akal ni setan in do manipu jolma, paruhur na bonar

2. Puho ho na modom in, na ibagas dousa;
Ase ulang halaniin ho marutang hosah;
Air sompong, tor julong, roh ma parlajouan bai na so marjaga

3. Puho, ai na so tarbaen tonduy ni Jahowa
Manorangi ho, mambaen sirang humbani dousa?
Ningon do puho ho, ase bereonNi dear ni layakNi

4. Puho, jaga uhurmin, ulang ikahouhon
Hisap ni uhurmu in, janah italuhon;
Gijang ni uhur ni gatian marhala pangalopan salah

5. Sai martonggo ho gogoh, ase sau maluah.
Humbai dousa haganup, ase ho martuah;
Jesus do na gogoh, na boi manaluhon haganup pangagou

6. Halaniin sai dilo ma Goran ni Tuhanta
Na binaen ni Naibata parsigantunganta
Teleng do dompak ho pinggol ni Jesusmu saud na pinindomu

7. Halaniin, totap ma da sai martonggo hita
Bai Bapanta Naibata I nagori atas
Lambin do sai dohor parroh ni Tuhanta manguhumi jolma

Details

Hits: 1578

1. Porini dong marribu hali, paralolingni sorangkin.
Boisni gogoh inggananni, mamuji Naibatanta in.
Ibaen malas ni uhur hin, hinorhon ni pambaenNi in.

2. Ai ambit ondos ma sorangku, bai ujung ni dunia on,
Sagala jolma arahonku, mamuji Naibata tontong;
Talup do gok ni uhurhin, hubaen pasangap Tuhan in.

3. Ulang ma modom ho tonduyhu, sai puho ho, sai hehe ma;
Pongkut ma ho bani horjamu, sai puji Tuhan Naibata;
Sai baen ma gok ni pandeimin, laho mamuji Tuhan in.

4. Tarima kasih ma uhurhu, Bamu o Naibata tongtong;
Ibahen dearni layakMu, binereMu hubangku on;
Ai ipatudu Ham tongtong ganup na porlu bangku on.

5. Hupuji pakon Ham, o Jesus, ibaen parholong ateiMu,
Mardingat darohmu madurus, pakon ganupan layakMu;
Mambahen haluahon on, hubai pardousa banggal on.

6. Ham pe homa , Tonduy Napansing sai jalo Ham ma dodingkon;
Margogoh anjaha matunggung do Ham, mangapoh uhurhon;
Ia hubaen na dear in, halani gogohMu do in.

7. Ai ise do mamasu-masu, au on o Naibata, lang Ham?
Pamatang rap pakon tonduyhu, sai iparmudu-mudu Ham;
Jaha lumbang uhurMu in mangidah pardousaonkin.

8. Sai layakMu do pujionku sadokah na manggoluh au;
Sai GoranMu pasangaponku sadokah na marhosah au;
Ronsi totap ni hosahkin sai pujionku Ham ijin.

9. Sai jalo ma, ale Tuhanku, pamujingkon na hurang in;
Paima das au on hu surga, ianan na gok dear in;
Marlaksa hali ma ijin, dodingkononku Tuhankin.