Home

Details

Hits: 1578

1. Na gattung bani parsilang, Jesus in i Golgata.
Padomuhon ganup jolma pakon Tuhan Naibata.
Ai hunjin do roh bah tubuh, hagoluhan banta in.
O ale ganup par-dousa, tonggor haluahonmin.

2. In ma holong ni Tuhanta, bai ganup dunia on.
Anak-Nin isuruh banta, paluahkon hita on.
Jesus dalan hasintongan, goluh na totap ijin.
Ra manaron parsahitan, bai hayu parsilang in.

3. Sai sombahkon ma pujian, halani holong-Ni in.
Ai isasap do dousanta, marhiteihon daroh-Nin.
Ronsi na marutang hosah, bani parsilang-Ni in.
?Se manggoluh hita jolma, ronsi sadokahni in.

Details

Hits: 1578

1. Sadiha dokah nari Ham Naibatangku,
Layur manipat ari sunsah do au
Sadiha dokah nari paimaonku,
pangkawah-Mu hubangku siholan au
Kawahkon Ham ma ahu Ham Naibatangku,
ulang tarpunjung ahu hun lambung-Mu.
Ganup munsuhkin manidingi au
ai seng adong na mangurupi au.

2. Sadiha dokah nari Ham Naibatangku,
munsuh pagijang diri mangodoh au.
Sai ihatahon bangku hagogohan ni,
sol bondutonni ahu ninuhurnin.
Idop uhur-Mu pangajamankin,
ai pitah Ham do haporusankin.
Urupi Ham ma ahu Ham Naibatangku,
ase ganup munsuhku tunduk Bamu.

Details

Hits: 1578

1. Ise do ganup sidea i lambung ni Naibata
Marsortali do hudidah marsinalsal do homa
Ganup do mandoding bei sai riap mamuji bei

2. In ma da na dob maluah halak na tongon bujur
Hasomanta na martuah na porsaya in botul
Bai Tuhanta Jesus in na manghopkop hita in

3. Na maparngit tinaronni, sanggah na itanoh on
Na sombuh na sain dokahni, gabe hasangapon do
In do rupei niin nuan malas uhurniin ibaen

4. Na mandoding do sidea pasangapkon Jesus in
Na tangkas ijin ididah sintong ni Hata Ni in
Na pinarbagahNi in, ondos do ganupan in

5. Seng be hona bai sidea sambor ni dunia on
Seng be dong ijin taridah sisunsahi hita on
Ge ganup dousanta pe, seng dingaton be hape

6. Horah, lohei ampa loja ge borgoh ni ari in
Porkas, longgur, haba-haba, udan, milas ari in
Uhum bani dousa in, seng be hona in hujin

7. Ai bai Naibata sidea, sipasabou uhur in
Jesus do tongtong ididah i nagori atas in
Hatuahon do ijin sadokah-dokah ni in

8. Tuhan Jesus, Rajanami na marholong atei in
Sasap Ham ma dousa nami, jolom tangan nami on
Haganupan na ijon, sai pamasuk use on

Details

Hits: 1578

1. Dong do openi parsaranan, uhur hujolom hata in
Ai ma se ho tongtong holsohan binaen ni hajolmaon min?
Sai tonggor ma hatuahonmu, ai Jesus do hagoluhanmu
Doras marlintun ho hujin
Podas maronti parlawanan, podas do dapot hamonangan
Sai ayak ma hu surga in

2. Ai iparsirsir Naibatanta, ianan sadokahni in
Seng dong openi jolma sada sirsir ma dong ianan niin
Ai matei bani parsilang do Jesus, ase hita sonang
Lao masuk bani ianan in
Ganupan hita on na loja sai roh ma lah nini Tuhanta
Parayak ma hu surga in

3. Hanima na pusokan uhur manaron halojaon in
pahinsah bei ma ganup uhur sai ulang be marhoru in
Itaron ho marhasunsahan, sai roh ma ho bai hasonangan
Idilo Tuhan Jesus in
Hanima bangsa ni Jahowa, sibolis in do hona hata
Ai domma talu munsuh in

4. Marsaran mando hape hita ilambungni Tuhan in
Mardamei janah sonang hita tongtong bai iananNi in
Padoras hita langkahta, mangayak rumahni Tuhanta
Lang bulih lolei hita on
Sai eta hita ?le hasoman marlintun hu bai hamonangan
Dohor do hasonangan in