Home

Details

Hits: 1723

1. Jesus sai Ham ma pamonang hanami,
Tatap ma gogoh ni na golap in
Na so marsaran mangonggop hanami,
Sol bondutonni ganup hanaion
Sai ipingkiri sibolis dalanni,
ase marhoru tongtong baenon in

2. Pamonang Ham ma au, Ham Sipartobus
Janah simada au on do tongtong
Pitah Bamu mando ahu marporus
Ibaen pangagou ni dunia on
Anggo maruntol parah bai uhurhu
Ulang tadingkon Ham au, o Tuhanku!

3. Pamonang Ham ma au, ai huahapkon,
Borat ni dousa ganup na hubaen
Sai tong mardingat au bai panlanggaron
Sanggah bai haposoonku hubaen.
Baen Ham ma in patoruhkon uhurhu
darohMu in ma paingatkon ahu

4. Pamonang Ham ma au, intopi Ham ma
Apuy ni hisap ni angkulakon;
Ambati Ham ma au laho mardalan,
Anggo hu sura na jahat tongtong;
Ham ma, o Jesus manggoki uhurhu,
Ase maluah au humbai dousangku

5. Pamonang Ham ma au, anggo marujung
Ari-aringku humbai tanohon;
Ham patalupkon au, ase iusung
suruhanMu hu lobeiMu au on;
Jesus, urupi Ham au ase monang,
Ase tongtong i lambungMu au sonang

Details

Hits: 1723

1. Puho do use angkulangkon, humbai tanoman on.
Mulak manggoluh bahenonni Tuhanku,
Haleluya, haleluya

2. Natidahkon songon omei in ganup na matei in;
Na roh ma use pangubung bai na matei,
Tuhanta in, Tuhanta in.

3. Paliharhon panonggorta in do parpuhoNi in
Dob sonang modom au on ibagas tanoh,
Sai puho au, sai puho au.

4. Naha pe ari nag ok jenges!
Tapi lobih jenges sijaloonta i lambung ni Tuhanta;
Haleluya, haleluya.

5. Na itogu Jesus do au on hu surge na tongtong
Sonang tumang do janah marolob-olob
Sadokah ni dokahni in

Details

Hits: 1723

1. Totap padanku bai Jahowa binaenni Jesus Tuhankin
Ai hutadingkon na madorsa hujalo pandidion in
Malas uhurhu halaniin sadokahni dokahni in

2. Iparhioui Naibatangku tonduyhu na madorsa in
Paboa sasap ma dousangku au hinaholongan Ni in
Malas uhurhu halanin sadokahni dokahni in

3. Ai anggo hiouni tonduyhu, daroh ni Tuhan Jesus do
In do binere ni Tuhanku manguras ahu pakon ho
Malas uhurhu halaniin sadokahni dokahni in

4. Isuruh Naibata Jahowa TonduyNi mangajari au
Manlawan ganup na madorsa anjanah papansingkon au
Malas uhurhu halaniin sadokahni dokahni in

4. Domma isurat Naibatangku goranku bai bukuNi in
Tanda na dob totap rupeihu na i nagori atas in
Malas uhurhu halaniin sadokahni dokahni in

Details

Hits: 1723

1. Jesus Naibata, sai bobahon Ham
Hu Bamu ganup hanami, na tinobusMu ganupan
Jolom Ham tongtong tangan nami on

2. Ia masa na sahit ope
Ham patoguh uhur nami, ulang bungbang be hanami
Pangandungan do dalan roh Bamu

3. Roh pe naborit pakon nasahit
Bai hasoman ge bai hanami, Ham patenger uhurnami
Bai ujungni in Ham patoguh in

4. Pambaennami bei bahen Ham turei
Ia roh pe hasunsahan Ham ma, Jesus, palamlamkon
Sonang use in tonduynami in