Home

Details

Hits: 1607

1. Tangihon Ham pandoruhkon,
holong ma Ham Jahowa!
Ai jut tumang do uhurhon, ibaen bueini dousa
Ai ambit ibalaskon Ham
Ganupan masalahku dompak Ham
Ai ise boi Manahan?

2. Ai idop ni uhurMu in, pasirsir parulihan;
Ai sedo pambaennami in, ?ge pe marhasurungan
Sipuji diri talu do, ningon mabiar dompak Ham
Tunduk do ganupan

3. Sai Ham do pangajamankin, sedo pambaenanku
Ai layakMu na bujur in, arihan ni uhurhu
Sai na totap do hataMu, na mangapohi uhurhin
In do huunsagahkon

4. Ge salpu ari, borngin in, seng roh ope layakNi;
Lang ra be ganggu uhurhin, bani hagogohon
Sai tong sonai do uhur ni na dob tubuh humbabou in, sai Naibata Ijolom

5. Age buei pe dousangkin, ampakon hajahaton
Sai bueinan holongMu in, na gogoh paluahkon
Jahowa, holong ateiMu, paluah Ham KuriaMu
Humbai ganup dousani

Details

Hits: 1607

1. Huhaholongi Ham gogohku, huhaholongi Ham tongtong
In ma marhitei pambaenanku, humbani gok ni uhurhon
Ai Ham do manondangi au, ronsi na matei au

2. Huhaholongi Ham, Goluhku, ai ham do hagoluhankin
Ningon tongtong Ham pujionku, au na sinondangan-Mu in
Holong mamitah uhurhin Bamu o Jesuskin

3. Seng hutandai ope lobei, ganupan hinajenges-Mu
Ai seng huidah ope lobei ganupan hinaharga-Mu
Unduk janah marhoru au, ibaen na oto au

4. Nakaho au anjaha pitung, ase lang hutandai Ham
Boratan au ibaen huusung dnp dousangku dompak Ham
Nuan pe hutandai ma, Ham arta na harga

5. Tarima kasih ma uhurhu, Bamu na manondangi au
Hupuji Ham ale Tuhanku, itodoh Ham hapeni au
Megah ma tonduyhin nuan, dob hutandai Ham

6. Parorot Ham tongtong langkahku bai ganup dalan na botul
Patoguh Ham tongtong uhurhu, lao mandalankon Hata-Mu
O sondang na hun surga in, sondangi uhurhin

7. Huhaholongi Sortalingku, ham Naibatangku na botul
Sonaha pangandunganku, irikkononku Ham bujur
Huhaholongi Ham tongtong, ronsi na matei au

Details

Hits: 1608

1. Porini dong marribu hali, paralolingni sorangkin.
Boisni gogoh inggananni, mamuji Naibatanta in.
Ibaen malas ni uhur hin, hinorhon ni pambaenNi in.

2. Ai ambit ondos ma sorangku, bai ujung ni dunia on,
Sagala jolma arahonku, mamuji Naibata tontong;
Talup do gok ni uhurhin, hubaen pasangap Tuhan in.

3. Ulang ma modom ho tonduyhu, sai puho ho, sai hehe ma;
Pongkut ma ho bani horjamu, sai puji Tuhan Naibata;
Sai baen ma gok ni pandeimin, laho mamuji Tuhan in.

4. Tarima kasih ma uhurhu, Bamu o Naibata tongtong;
Ibahen dearni layakMu, binereMu hubangku on;
Ai ipatudu Ham tongtong ganup na porlu bangku on.

5. Hupuji pakon Ham, o Jesus, ibaen parholong ateiMu,
Mardingat darohmu madurus, pakon ganupan layakMu;
Mambahen haluahon on, hubai pardousa banggal on.

6. Ham pe homa , Tonduy Napansing sai jalo Ham ma dodingkon;
Margogoh anjaha matunggung do Ham, mangapoh uhurhon;
Ia hubaen na dear in, halani gogohMu do in.

7. Ai ise do mamasu-masu, au on o Naibata, lang Ham?
Pamatang rap pakon tonduyhu, sai iparmudu-mudu Ham;
Jaha lumbang uhurMu in mangidah pardousaonkin.

8. Sai layakMu do pujionku sadokah na manggoluh au;
Sai GoranMu pasangaponku sadokah na marhosah au;
Ronsi totap ni hosahkin sai pujionku Ham ijin.

9. Sai jalo ma, ale Tuhanku, pamujingkon na hurang in;
Paima das au on hu surga, ianan na gok dear in;
Marlaksa hali ma ijin, dodingkononku Tuhankin.

Details

Hits: 1608

1.Puho ma parbegu-begu,ase lihar nasiam
Ai na poltak i baboumu,do panondang nasiam
HAgolapan nima in, isondangi Jesus in

2.Na ponop na sain dokahni uhur ni Tuhanta in
Seng ibotoh tinompaNi dalan hagoluhan in
Ai na kahou do jojor bani dalan na seor
3.Salpu do nuan bornginni, binsar do panondang in
Domma roh haliharonNi bani ganup jolma in
Sai maluah nasiam humbai golap nasiam

4.Jesus,sondang ni Tonduyhu,na palihar haganup
Sai paubah Ham uhurhu humbai dousa haganup
Tarik ampa uhurhon bai na lihar in tongtong

5.Bai parrohMu in,Tuhanku,ningon manondangi au
Ase tong sonang uhurhu `ge pe laho matei au
Barang aha pe na roh,sonang au Bamu ondos

6.Togu Ham ua,o Tuhanku das bai iananMu in
`Se magira idahonku Ham i hasonangan in
Pujionku Ham ijin sadokah-dokahni in