Home

Details

Hits: 2101

1. Ham o Tonduy Napansing in masuki uhur nami bei
Papansing uhurnami
Ham sondang na hun surga in sondangi uhur nami bei
Pamalas uhur nami
Ase masa gabe hataMu ma dalanonkon nami
UhurMu ma hubannami

2. Ham do sibere uhur in bai ganup na porsaya
Tumpaki uhurnami
Patoguh uhurnami rup padas Ham hataMu ganup
Hubani huannami
Sai totap ma Ham mambere paruhuron hatuahon
GoranMu do sipujion

3. Pagogoh Ham hanami rup lao mangirikkon hataMu
Bai pardalanan nami
Haporsayaon nami pe tambahi Ham, ge naha pe
Na sahit roh bennami
Pingkir, tungkir diri nami sai pasonang uhurnami
Ase monang tong hanami

4. Puhoi uhur nami on se tong gogoh hanami on
Manlawan dousa nami
Patenger uhurnami on sonai ge tonduynami on
Bai parlawanan nami
Goki uhurnami ?se ringgas ma mangambungkon
Rayoh pakon halengahon

5. Ham Batu Gingging na toguh na patut palas na botul
Pajonam uhur nami
Bai hata hasintongan in sai ulang dong na kahou in
Ge sada pe hanami
Bere uhur na toguh janah bujur laho mamuji
Jesus Kristus Tuhan nami

6. Pangapoh na hun surga in sogopi uhurnami in
Sai dameiMu bannami
Papandei Ham hanami on mamboan uhur na holong
Hubai hasoman nami
Ulang masa tinggil, domdom ase tong sonang hanami
Mandalani dalan nami

7. Papansing Ham hanami on sai uras Ham hanami tong
Sorapi uhur nami
Tanggali humbannami on pamisir dousa in tongtong
Na mangagou hanami
Togu tonduy na sonang na i babou mangarapkon
Hagoluhan, hasonangan

Details

Hits: 2107

1. Ari na marhasonangan in ma ari Minggu in
Ari in do parsaranan bai ganup parhorja in
Sai martuah halakin na ringgas marminggu in

2. Ai sonaha pakeianku marayakkon Naibata?
Unduk, toruh ni uhurhu, ai do hiou na tama
Anggo domma dong sonin, boi ma ahu bai Tuhankin

3. Ham , o Tuhan sai pagoluh, sai ajari Ham au on
Anggo bungbang, sai patoguh janah apoh Ham au on
hataMU patorang Ham, sai tongtong bai uhurhon

4. Pasaud Ham ma pangajaran na nidok hataMU
Ham patoguh parpadanan bai ganup na roh Bamu
Sai totap urupi Ham na martonggo dompak Ham

Details

Hits: 2109

1. Husombah Ham Tuhan tangihon au!
Sai uhur-Mu Tuhan pasaud Ham
Sai lambin tambah ma holongku hu Bamu
Sai tambah ma holongBamu

2. Sanggah na kahou au, daoh hun Bamu.
Sai ipindahi Ham, jump;h Ham au.
Halani in holong do, uhurhon Bamu.
Sai tambahma holong Bamu.

3. Sanggah tarsosak au, pamgit tumang,
Iapoh Ham do au. sonang tumang .
Haposankin do Ham , Ham Sipagoluh au.
Sai tambah ma holong Bamu.

4 . Anggo roh ajalhin, holong ma Ham.
lalo Ham tonduyh in, hu lambung-Mu.
Malas ma uhurhon, mangidah bohi -Mu.
I lambung-Mu i surga in.

Details

Hits: 2114

1. Malas do tong uhurhon, bani Jesus na tongtong
mangindahi hajolmaon, ase Ia paluahkon
Jolma manisia in, humbai hamagouan in

2. Malas do tong uhurhon, bani Jesus na bujur
Pasirsirhon hagoluhan, bangku na ihamagouan
Haganupan dousangkin, sai siasap Jesuskin

3. Malas do tong uhurhon ai parrupei au tongon
Bani arta na maharga, pinarbagah ni Tuhanta
Bai ganup na bujur in, mangirikkon Jesus in