Home

Details

Hits: 2136

1. Irikkon nasiam ma Au, sonai nini Tuhanta
Sai parnalang na dirimu, Hatangku malah harga
Sai mambur bahenlah ganup, parlahoumin na so talup

2. Au do palihar dalanmin, na dompak hagoluhan
Ai seng be kahou langkahmin, daoh pakon hamagouan
Au parhiteian na bujur, bai hasonangan na botul

3. Hupatuduhkon dalan in, sisimbilonkonnima
Ganup geduk ni uhurmin sipaubahonnima
Se tong pansing ma tonduymin, ronsi rotapni hosahmin

4. Na toruh uhur do Au on, sai tong holong ateiHu
Lamlam uhurHu, ai tongtong lamlam homa HatangKu
Tongtong hutatap Naibata, ai pe Au on ihutkon ma

5. Seng na tarbaen hanami in, ipingkir uhurnima
Ulang mabiar halaniin, Au do hasomannima
TaluhononKu munsuh in, tenger uhurmu pasal in

6. Na manghargahon hosahniin, in do mansedahonsi
Sagala na marnalang in, in do pagoluhkonsi
Na so mamorsan silang in, na so talup be Bangku in

7. Marmogah-mogah hita bei, lao mangihutkon Jesus
Dagingta ge tonduyta pe, tulakhon lah bai Jesus
Ai namangengkar Tuhan in, seng dapot hasonangan in

Details

Hits: 2159

1. Martuah do namarhaposan, bai Naibata Bapanta in
Ai in do nadapot pangapohon, bai ganup sitaronon in
Seng borsik be onjolan in, na mangkaposi Tuhan in

2. Ai anggo sai holsohan hita ai aha ma guna ni in?
Anggo borat tongtong uhurta mardingat sitaronon in
Tor in ma mangkurangi in? Sai tambah do pangkorhonniin

3. Halani ai, pasoh ma lobei janah palamlam uhurmin
Manonggor atap ra ham holi mangunduk bai Naibatamin
Ai Ia do mamilih ham, ibotoh do naporlu bam

4. Ibotoh Jesus adangan ni, mambaen hamegahonta in
Asal ganup hita haposan, ulang marladung be ijin
Itongos do na jenges in, na so agak ni uhur in

5. Ulang uhurmu mangagakkon, ham itadingkon Naibata
Janah na so marsitaronon in do iabing Naibata
Barang sintong pikiranmin, ujungni patandahon in

6. Urah do anggo bai Tuhanta, marguru bai rosuhNi in
Na bayak boi pasombuhonNi, janah byak na sombuh in
Longang magira uhurmin, mangidah pambaenanNi in

7. In pe haporsayai ma Tuhan, bujur horjahon rupeimin
Sai Ia ma tongtong irikkon, ajamkon panumpakNi in
Na mangajamkon Tuhan in, seng anjai boi tartadin in

Details

Hits: 2165

1. Sai ijalo Jesus in, do pardousa natariluh
Ambilankon Hatain bai ganup halak na kahou
Ase haganup na roh I pagoluh Jesus do

2. Idopni uhurNi in pinarbagahni hataNi.
Amapakon hagoluhan in sadokah I lambungNi
Haganup na roh in ipagoluh Jesus in
3. Pinahan no Kahou in ipindaho si parmahan
Bujuran do Jesus in mangidah di pardousa,
Ase ulang magou in ipagoluh Jesus in

4. Roh ganupan nasiam na pusok uhur lalap
Jesus do Mardilo ham, ase mulak bai Jahowa
Ulang lang porsaya da! Ipagoluh Jesus am

5. Au na pusok uhurhin roh bamu, oh Tuhan Jesus
Mansopotkon dousangkin, sasap Ham ganup utangku
Hata on mangapoh au, ipagoluh Jesus au

6. ?ge bajan pe dousangkin, darohMu do sigogohan
Boi manasap utangkin, pansaloseihon ganupan
In ma dingatonku tong, ipagoluh Jesus au

7. Seng huhabiari be haganupan pangaduan
Ai sigalar utangkin do mamorsan haganupan
Seng be hona papa au, ipagoluh Jesus au

8. Jesus sipagoluh au na mangungkab pardameian
Togu Ham ma au Bamu, ia jumpah hamateain
Ningku do mamuji Ham, ipagoluh Jesus au

Details

Hits: 2186

1. Puji hita Naibatanta puji hita AnakNiin.
Puji hita ?ge Tonduyni,Sitolu sada do in.
Haleluya, Haleluya,Sitolu sada do in.

2. Puji hita Raja surga, Tuhan ni manisia.
Puji hita Raja G?reja, bai ganup dunia on.
Haleluya, Haleluya, bai ganup dunia on.

3. Haleluya isombahkon, na porsaya hu Bamu.
Bai arian pakon borngin, idodingkon hu Bamu.
Haleluya, Haleluya, idodingkon hu Bamu.