Home

Details

Hits: 1887

1. Na sonang au, dob marTuhan au bai Tuhan Jesus in.
Ai lang be dong dob jabolonNi au sihoruonkonkin.
Ai Ia mando huirikon, dunia on ma hutundalhon.
Sonang ma au! Sonang ma au!

2. Sonang ma au,ai mambur do hape pusokni uhurhin.
Megah ma au ronsi antigan pe iapoh Jesuskin.
Seng huhoruhon be goluhku,ganup do guru bai Bapangku.
Sonang ma au! Sonang ma au!

3. Sonang ma au! Bujur do Bapangkin na mansarihon au.
Janah layak; ganup na porlu in ibere do tong au.
Parbegu do na mangkolsohkon goluhni pakon sipanganon.
Au sonang do! Au sonang do!

4. Na sonang au! HarajaonNi in ampa ruhutNi in.
Ai ma tene na hudarami in, dapot ganup ijin.
Sai on gelah sura-surangku; Pasaudkon uhur ni Bapangku.
Sonang ma au! Sonang ma au!

5. Sonang ma au, anggo marsaran au,bai abinganNi in.
Naparngit in ?tor itadingkon au, dob ondos au hujin.
Nuan na porlu bai uhurhu; Sai surga in ma bongkotanku.
Martuah au! Martuah au!

Details

Hits: 1889

1. Doding ni malekat in,
pasangapkon Tuhan in.
Namambere hasonangan,
Raja na dob tubuh in.
Haganupan bangsa-bangsa,
sai mamuji bani Tuhan
Jesus na hun surga in
tubuh i Betlehem in,
Doding ni malekat in pasangapkon Tuhan in.

2. Ganup na i surga in, sai manombah Tuhan in.
Tuhan Jesus jadi jolma, roh bai hajolmaon in.
lao mamboban haluahon, ganup dousa isalpuhon.
GoranNiin immanuel, rapkon hita Tuhan in.
Doding ni malekat in pasangapkon Tuhan in.

3. Raja Sipaluah in, marsinalsal do tongtong.
Domma poltak sinondangNi, lao pasonang hita on.
Ipalumei do diriNi, ase toguonNi hita.
Turun di Tuhanta in, paluahkon jolma in.
Doding ni malekat in pasangapkon Tuhan in.

Details

Hits: 1890

1. Hata ni Jahowa sipadamei jolma ma hagoluhan in
In ma malas ni uhur, namangapoh uhur namarhoru in
Gogoh ni Naibatangkin, paluahkon naporsaya humbai ganup dousa

2. Ganup pinarsinta sanggah lang itompa tanoh on ope
?Ge na tinujuan ni ganup galangan, jumpah do use
Uhur ni BapaNi in ipasaud Jeseus Kristus, jolma in itobus

3. Domma ipasirsir idopni uhurNi, ?ge layakNi rup
Daomma matei Kristus, doma dob i tobus hita haganup
Sangap ma bai Naibata na porsaya bai HataNi in pagoluhonNi

4. Hata hagoluhon do nuan iboan Parambilan in
Na lampot tangaron, in do iberehkon bai uhurta in
Ipodahi hita on ihatahon bei do hita paubah uhurta

5.Roha ham na marhoru, ia dob mangaku uhurmu nuan
Roh ham bai Jahowa pasasapkon dousa hu bai daroh Niin
Jesus in, Anak ni in, in do gabe haluahon humbai ganup utang

6. In nuan onjolan na totap manahan sadokahni in
In hajongjonganku, in pangajamanku hagoluhankin
Sai totap ma gogohkin mangirikkon bai hataNi lao pasaud rosuhni

7. O Jesus tangihon na hupangindohon holong ateiMu!
Bere Ham ma gogoh lao marayak surga das hu lambungMu
Ase hu Bamu au roh anggo rotap ma hosahku, sai lihar dalanku

Details

Hits: 1896

1. Sai martuah do marnunut, halak na porsaya in.
In ma halak na dob surut, humbai padousaon in.
Na sora be mangirikkon tahini parjahatin
Na sora be hasundulan, ampa pangapasi in

2. Sai marosuh uhurni, bani pangajaran in.
Na binere ni Tuhanni, gabe sibalosan-niin
Songon hayu na madear, na I lambung bah hape
Sai tambun ma ramos do ia, na so bulih, melus be.

3. Talu do bai paruhuman, halak si pargeduk in
Jongjong do bai hasangapon, na pintor maruhur in,
Si pargeduk seng na bulih, roh hu hagoluhan in;
Hamagouan do rupeini, sonang do papintor in.