Home

Details

Hits: 1897

1. Domma juppah use ari pesta in
Partubuhon ni TUhanta Jesus in;
Turun hape Ia roh hun surga in,
Roh manohu hujon.
Hasangapon bai Naibata, damei damei bani jolma.
Megah uhur ni Naibata hajolmaon use.

2. Laita, misir hita hu Betlehem in,
Sombah hita ma Dakdanak na ijin,
Tinongoskon ni parholong atei in, Naibata, Bapa in.
Hasangapon bai Naibata, damei-damei bani jolma.
Megah uhur ni Naibata hajolmaon use.

3. Sombahnami hu Bamu na dob roh on,
Ham siboan damei hu dunia on;
Sai pasorap Ham bai uhurnami on, dameiMu, o Jesus!
Hasangapon bai Naibata, damei-damei bani jolma.
Megah uhur ni Naibata hajolmaon use.

Details

Hits: 1900

1. Na marmahani hita parholong atei in
In ma Tuhan Jesus sibere tuah in, sibere tuah in

2. Itatap hamarsikon ni jolma haganup
Seng dong be hasonangan, na kahou do ganup, na kahou do ganup

3. Ai do ?se roh Tuhanta hu hasiangan on
Manobus ganup jolma mangkopkop hita on, mangkopkop hita on

4. Ibere do diri-Ni hu hamateian in
Ai ia gabe gantih ni manisia in, ni manisia in

5. Halani ai, o jolma sahei ma dousamin
Asal ma ham porsaya, marulih ham ijin, marulih ham ijin

6. Ganup hita na loja ibahen dousa in
Sai roh ma ganup hita bai Tuhan Jesus in, bai Tuhan Jesus in

7. Sihol pasonangon-Ni ganupan hita on
Sihol arahkonon-Ni hu surga hita on, hu surga hita on

Details

Hits: 1909

1. Haleluya puji ma Tuhan, pasangap marhiteihon gondrang na laingan
Irandu pakon inggou na lurlur homa tangaron
Dodingkon ma doding na baru, Puji ma Ia bai hotakNi na ibabou
Janah olobkon ma riap marmalas uhur.
Sai tarbarita baen goran-Ni, Gok halongangan ganup jadi-jadian-Ni
Puji Tuhan Haleluya.

2. Marmegah gok tarima kasih, Halani ganup pasu-pasu ge layak-Ni
Hubanta na totap sirsir tong mambalosi.
Tunggung tumang do tong Tuhanta, Ia do Raja ni ganup sagala raja
Ningon hu Bani do unduk ganup marsombah
Sai tarbarita baen goran-Ni , gok halongangan ganup jadi-jadian-Ni
Puji Tuhan Haleluya

Details

Hits: 1911

1. Ai dohor Tuhanta, unduk bei ma hita lao manombah Nabatanta.
Turun Naibatanta, hutongah-tongahta ningon siap ma ganup hita
Sombah ma Naibata na tang sitimbulan na so halompouan.

2. Ai dohor Tuhanta, suruh-suruhanNi sai marsombah i lobeiNi.
Ai hapansingonNi ipapuji-puji marhiteihon ni dodingNi.
Hit ape, hajojo, sai ringgas uhurta pasangap Tuhanta.

3. Ham Naibatanami! Tadingkonannami haganup dousanami;
Tonduy pakon daging, ondoskonnami hu Bamu, o Tuhannami.
Pitah Ham, o Tuhan sibalosannami, pasangaponnami.

4. Naibata na jombut na sangap, na bujur sai papansing Ham ma ahu,
Bere Ham ma gogohku ase balosanku Ham saporti suruhanMu
Rosuh ni uhurMu sihol pasaudonku, Ham haholonganku.

5. Baen pansing uhurhu sirang humbai dousa, sai mardamei janah sonang;
Ham pabontor ahu ase idahonku bohiMu use, Tuhanku.
Togu Ham o Tuhan hu Bamu uhurhu, Ham do balosanku.

6. Sai iankon ahu rumahMu uhurhu, pinapansingMu ma ahu
Masuk Ham hubangku ?se holong uhurhu hu Bamu o Naibatangku!
Soh pe au, barang lao Ham ma sai hutatap janah hupasangap.