Home

Details

Hits: 3477

1. Bai ganupan sidalananmu in, Jesus ma baen hasomanmu.
I parorot do ham tontong ijin, ronsi ondos bai tujuanmu.
Ge daoh mahol sidalananmin, ulang ham mandolei ijin.
Seng boi sotto ham bahenonni in, asal Jesus baen hasomanmin

2. Sanggah loja ham mamingkiri in, bani Jesus patugah in.
Na ngayotan ham bani dalanmin, ai ibotoh do ganupan in.
Ge daoh mahol sidalananmin, ualang ham mandolei ijin.
Seng boi sotto ham bahenonni in, asal Jesus baen hasomanmin.

Details

Hits: 3897

1. Bani na martonggo ahu,
Bamu o Tuhankin.
Ajar Ham au manjalo ganup na binereMu
Mangakuhon songon Jesus bani sitarononNiin.
Seng rosuhku pasaudonku pitah rosuhmu Tuhan.

2. Atap aha husurahon na dear bai goluhkon.
Bahen Ham au pambalosi bani ganup rosuhMu.
Mangakuhon ?pa porsaya ?ge pe uhurhon.
Seng rosuhku pasaudonku pitah rosuhmu Tuhan.

3. Hupindahi apoh-apoh bani holongMu.
Sanggah na tarsosak ahu Ham ma na manogu au.
Mangakuhon songon Jesus bani sitarononNiin.
Seng rosuhku pasaudonku pitah rosuhmu Tuhan.

Details

Hits: 4232

1. Naha do pangidahmu
Pargoluhon ni Kurianta
Naha do pangahapmu
Anggo buei na lang marminggu

2. Naha hasirsironmu
Lao mangarahkon hasomanta
Ase sai ringgas marminggu
Ulang lungun Gareja in

3. Dong do alinan ni umpasa
In ma umpasa na marisi podah
Borit dingis na lang marasar
Boritan do asar na lang mardingis

4. Nai do homa age Kuria
Na marnaloja pajongjong Gareja
Borit Kuria lang margareja
Boritan Gareja lang marKuria

5. Halani ai ulang lansei uhurta
Torsa ma hita marKuria
Tuhanta ma tongtong sibalosanta
Ai Ia Rajani Gareja
Sai ringgas bei!

Details

Hits: 6094

1. Jesus goluh ni tonduyhu, Ham do haporusankin.
Anggo tumpu bai tonduyhu bolis pakon setan in.

2. Jolom au Jesus Tuhanku, jolom au sai tongtong,
Ulang sirpang bei naheihu, humbani dalan na sintong.

3. Bai musim ni haba-haba pinarohni munsuhkin,
Togu ahu das hulabah bani pararanan in.

4. Sai dingdingi Ham, o Tuhan au na sihol roh Bamu,
Sai papodas pagoluhkon au na ondos hu Bamu.

5. Lang adong be hagoluhan, anggo seng na hum Bamu;
Ganup jolma, ale Tuhan, sai manombah hu Bamu