Print
Hits: 1564


1.Malas ma uhurnima, na pintor uhur in
Domma roh Raja nima, mamboba tuah in.
Seng marpanrantam in anggo bani parroh Ni;
Naipe tuk do gogohNi padaoh dorunta in.

2. Seng ipindo uhurNi ijon sangap ni in;
I surga paratasNi, harajaonNi in.
Ai tarponop ope I tanoh on tunggungNi;
Dob das ganup horjaNi talar ma in use.

3. Ganupan hita jolma tangihon Raja on.
Ai baen hagoluhanta do Ia ase roh.
Ai hita na lansei na manlawan HataNi.
Roh do holi gilaNi manguhum hita bei.

4. Ganupan na marsangap na i dunia on.
Tuhanta lobih sangap bai hasiangan on.
Tangihon Hata in sai ulang bei pahengkeng.
Sai tong parimbagaskon ibagas uhurmin.

5. Ho, na pusokan uhur i atas tanoh on.
Ibaen dursat ni uhur na i dunia on;
Sai misir nasiam padurgak ulunima.
Ai habayakonnima do Jesus na roh bam.

6. Podas ma ulakanNi roh bani jolma in.
Ganup hasangaponNi taridah ma ijin.
Sai misir hita on hulobei ni Rajanta;
Nahiti bei suluhta barah ma Ia roh.