1. Na ijon do au Tuhanku, na manombah hu Bamu.
Ganup iluh ni matangku, husombahkon hu Bamu.
UhurMu mando hubangku, na masihol au Bamu.

2. Pardimata Ham uhurhu, rajai Ham ma diringkon.
Ham do tong pangarapanku, sipagoluh tonduyhon.
UhurMu na mando bangku, bangku Ham Bamu au on.

3. Holong ateiMu hubangku, in hupindo hu Bamu.
SibereonMu Tuhanku, bai sijalo HataMu.
UhurMu ma lah hubangku, pasaud Ham ma HataMu.

4. Ham do mata ni aringku, sipamalas uhurhin.
Na masihol do tonduyhu hu Bamu, o Jesuskin.
UhurMu ma lah hubangku, ase sabou uhurhin.

5. Sai tangihon, itangiskon uhurhon sombuhni in.
Sai tangihon, itangiskon tonduyhon siholni in.
UhurMu ma bai uhurhu, sai Bamu ma tonduyhon.

6. Habayakon, halilian, uhur ni dunia on,
In do gabe parsahitan, na parah bai uhurhon.
Ham ma la hinasiholan, hutundalhon tanoh on.